Reiðhöllin

Umferða- og umgengnisreglur í reiðhöll Léttis í opnum tímum.

Til að fá lykil/aðgang að reiðhöllinni verður viðkomandi að vera félagsmaður í Létti. Lyklum sem eru notaðir af öðrum en þeim sem skráðir eru á viðkomandi lykil verður lokað.
Hægt er að leigja höllina undir reiðkennslu og skal þá hafa samband við formann/framkvæmdastjóra til að panta tíma. Óheimilt er að vera með reiðkennslu í opnum tímum reiðhallarinnar.

KNÖPUM BER AÐ HREINSA UPP EFTIR HESTANA SÍNA og eru verkfæri til þess staðsett í reiðsal og/eða hesthúsi.
Bæði notendur hallarinnar og gestir eru ávallt í höllinni á eigin ábyrgð. Börn yngri en 16 ára noti reiðhöll einungis í fylgd með forráðamanni.
Látið aðra vita áður en teymt er inn á völlinn í virðingarskyni við þá sem fyrir eru á hallargólfinu. Farið á bak og af baki inn á miðjum vellinum en ekki á reiðleiðum í útjaðri vallar.
Hlið inn á reiðvöllinn á alltaf að vera lokað þegar hross og knapar eru inni á reiðsvæðinu.
Fetgangur skal riðinn á innri sporaslóð þegar aðrir knapar ríða á hraðari gangtegund á ytri sporaslóð. Þeir sem ríða hægari gangtegund skulu ávallt víkja fyrir þeim er hraðar fara.
Tvær hestlengdir skulu ávallt vera á milli hesta. Ekki má hafa tvo hesta til reiðar þegar aðrir eru í salnum.°Þegar riðið er upp á vinstri hönd á að fylgja ystu sporaslóð.
Hægri hönd skal víkja á innri sporaslóð. Knapi sem ríður bauga, á hringnum, eða aðrar reiðleiðir inni á velli veitir þeim forgang sem ríða allan völlinn á sporaslóð.
Ekki má stöðva hestinn á ystu sporaslóð. Ef stöðva þarf er best að gera slíkt inni á miðjum velli nema um annað sé samkomulag þeirra í milli er stunda æfingar á vellinum hverju sinni.
Hringtaumsvinna fer engan veginn saman við þjálfun í reið og er einungis leyfð þegar laus hringgerði eru uppsett í höllinni.
Forðast skal að ríða þvert í veg fyrir aðra knapa og fylgja ber hefðbundnum reiðleiðum á vellinum.
Ekki má hafa lausa hesta á vellinum ef aðrir knapar eru þar inni.
Knapar skulu sýna kurteisi og tillitssemi og forðast óróa eða hávaða.
4-5 pör meiga vera inni á stóra vellinum hverju sinni og 3-4 pör meiga vera inni á hálfum vellinum í einu. Æfingatími á par er að hámarki 20 mínútur í einu.
Hjálmaskylda er í reiðhöllinni
Hundar eru bannaðir í reiðhöllinni.
Sýnum hvort öðru tillitssemi og hjálpum hvort öðru eftir fremsta megni.
Reikingar og notkun áfengis og/eða annarra vímuefna er bönnuð.
Ekki er heimilt að opna hurðir þannig að hægt sé að hleypa eða skeiðleggja í gegn um höllina nema með leyi formanns/framkvæmdastjóra og að öryggisleiðarar og öryggissvæði séu uppsett og tryggð utan sem og innan hallarinnar.

Verðskrá reiðhallarinnar 2024.