Skeifan

Skeifan er glæsilegur veislusalur Hestamannafélagsins Léttis og er til útleigu fyrir einstaklinga, fyrirtæki og félagasamtök. Salurinn hentar vel fyrir fjölbreytt tilefni, svo sem fermingar, brúðkaup, skírnarveislur, afmæli, erfidrykkjur, fundi, árshátíðir, tónleika og aðrar samkomur. Skeifan tekur um 160–180 manns í sæti við borðhald og er borðbúnaður til staðar fyrir slíkan fjölda. Eldhúsið er rúmgott og vel búið til veisluhalds og frágangs og í salnum er stór bar til afgreiðslu drykkja og annarra veislufanga. Einnig er þar gott hljóðkerfi, skjávarpi og svið sem hentar vel fyrir hljómsveitir, skemmtiatriði og aðrar uppákomur. Gott aðgengi er fyrir hreyfihamlaða, með rampi inn í forstofu og lyftu upp á aðra hæð þar sem veislusalurinn er. Hægt er að leigja dúka sé þess óskað og næg bílastæði eru við reiðhöllina. Almenn leiga á Skeifunni, veislusal Léttis, er 98.000 kr. fyrir sólarhring. Leiga vegna dansleikja, tónleika og annarra sambærilegra viðburða er samkvæmt samkomulagi.